დაბრუნება და გარანტია

ყვავილი ცოცხალი და მალფუჭებადია, ამიტომ დაბრუნების წესებიც განსხვავებულია. აქ ყველაფერი ერთ ადგილასაა.

შეკვეთის გაუქმება

თუ შეკვეთა შეცდომით გააფორმეთ ან გადაიფიქრეთ თაიგულის გაგზავნა, დაგვირეკეთ: +995 592 064 064.

რამდენი დაგიბრუნდებათ, იმაზეა დამოკიდებული, როდის გააუქმებთ შეკვეთას:

• შეკვეთის გაფორმებიდან 15 წუთში — სრული თანხა, 2% საიტის საკომისიოს გამოკლებით, ან სრული თანხა ამელის ბალანსზე.
• ფლორისტს აწყობა ჯერ არ დაუწყია და მიტანამდე 3 საათზე მეტია — სრული თანხა, 2% საიტის საკომისიოს გამოკლებით, ან სრული თანხა ბალანსზე.
• ფლორისტს აწყობა ჯერ არ დაუწყია, მაგრამ მიტანამდე 3 საათზე ნაკლები დარჩა — თანხის 80%, 2% საიტის საკომისიოს გამოკლებით, ან სრული თანხა ბალანსზე.
• ფლორისტმა აწყობა დაიწყო — თანხის 50%, 2% საიტის საკომისიოს გამოკლებით, ან 70% ბალანსზე.
• თაიგული მზადაა ან კურიერთანაა — თანხა აღარ ბრუნდება.

ექსპრეს მიტანა (90 წუთში): ფლორისტი აწყობას მაშინვე იწყებს, ამიტომ სრული თანხა (2% საიტის საკომისიოს გამოკლებით) მხოლოდ შეკვეთის გაფორმებიდან 15 წუთში ბრუნდება. ამის შემდეგ ზემოთ მოცემული წესები მოქმედებს.

ბარათზე თანხა ბრუნდება იმავე ანგარიშზე, მიმდინარე თვის ბოლო სამუშაო დღემდე.

მაღაზიიდან გატანა

იგივე წესები მოქმედებს, მხოლოდ მიტანის საფასურის გარეშე.

დღესასწაულები და ინდივიდუალური შეკვეთები

14 თებერვალი, 3 და 8 მარტი, 31 დეკემბერი:

• მიტანამდე 48 საათით ადრე — 80%, 2% საიტის საკომისიოს გამოკლებით;
• 48–24 საათით ადრე — 50% ფულით ან 80% ბალანსზე;
• 24 საათზე ნაკლებით ადრე — თანხა არ ბრუნდება.

ინდივიდუალური კომპოზიციები:

• მიტანამდე 72 საათით ადრე — 100%;
• 72–24 საათით ადრე — 50% ფულით ან 80% ბალანსზე;
• 24 საათზე ნაკლებით ადრე — თანხა არ ბრუნდება.

ბარათზე დაბრუნებისას აქაც 2% საიტის საკომისიო იქვითება.

თუ თაიგული არ მოგწონთ

• თაიგულის მიღებიდან 1 საათში დააფიქსირეთ თქვენი აზრი: WhatsApp-ზე (+995 592 064 064) გამოგვიგზავნეთ თაიგულის ფოტო და მიუთითეთ მიზეზი. დაუყოვნებლივ გიპასუხებთ. 1 საათის შემდეგ პრეტენზია აღარ მიიღება.
• ჩანაცვლება: ამელი იტოვებს უფლებას, თაიგულის აწყობისას დაამატოს ან ჩაანაცვლოს ყვავილის სახეობა, შეფუთვის ფერი ან ტიპი, თუ შენარჩუნდება თაიგულის მთავარი სტილი, მოცულობა და ღირებულება — ის პარამეტრები, რომლებიც თაიგულის შეძენისას აირჩიეთ. ცოცხალი ყვავილი ბუნებრივი პროდუქტია და სეზონურობის გამო თაიგული ფოტოს იდენტური ვერ იქნება. თუ ამ ცვლილებას არ ეთანხმებით, გაგზავნამდე შეგიძლიათ მოითხოვოთ, რომ თაიგული არ გაიგზავნოს — ამ შემთხვევაში თანხა სრულად დაგერიცხებათ ამელის ბალანსზე.

ცოცხალი ყვავილი მალფუჭებადია, ამიტომ მიღებული თაიგული უკან არ მიიღება.

ივენთებისა და კორპორატიული შეკვეთების პირობები ცალკე ხელშეკრულებით განისაზღვრება.

ქეშბექი გაუქმებისას

თუ შეკვეთის ნაწილი ქეშბექით გადაიხადეთ, გაუქმებისას ეს თანხა ანგარიშზე დაგიბრუნდებათ.

ხშირი კითხვები