შეკვეთისა და მიწოდების პირობები

ეს პირობები ვრცელდება amelie.ge-ზე, ამელის აპლიკაციასა და ტელეფონით გაფორმებულ ყველა შეკვეთაზე.

ვინ ვართ

ამელი ყვავილების მაღაზია და სტუდიაა თბილისში, ზ. ფალიაშვილის ქუჩა 68-ში. მომსახურებას უწევს LTD NEW FLOWERS (ს/კ 400286061). სტუდია ღიაა ყოველდღე 09:00–22:00; ონლაინ შეკვეთა 24/7 მიიღება. ტელეფონი და WhatsApp: +995 592 064 064, ელფოსტა: ola@amelie.ge.

შეკვეთის გაფორმება

შეკვეთის გაფორმება შეგიძლიათ საიტზე, ამელის აპლიკაციაში ან ტელეფონით. შეკვეთისას ირჩევთ მიწოდების დღეს (დღეიდან 14 დღემდე) და დროს.

დღევანდელი მიტანისთვის შეკვეთა 20:00-მდე უნდა გაფორმდეს. ექსპრეს-მიწოდება (90 წუთში) ნებისმიერ დროს, 24/7 მიიღება.

თაიგულების უმეტესობა შეკვეთის დღეს მზადდება. დიდ კომპოზიციას 2–3 საათი სჭირდება, ცალკეულ ნამუშევარს — რამდენიმე დღე; ვადა თითოეული თაიგულის გვერდზეა მითითებული.

მიწოდების ღირებულება

• თბილისში, არჩეულ დროის ფანჯარაში (09:00–14:00, 14:00–20:00 ან 18:00–00:00) — 15 ₾
• ექსპრესი: მიტანა 90 წუთში, 24/7 — 50 ₾
• მიტანა თქვენ მიერ არჩეულ ზუსტ დროზე (მაგალითად, შუაღამისას) — 20 ₾; დღევანდელი შეკვეთისთვის — შეკვეთიდან არანაკლებ 2 საათში
• თბილისის შემოგარენსა და სხვა ქალაქებში — 50 ₾-დან; ზუსტი ფასი დასახლების არჩევისთანავე ჩანს
• სტუდიიდან წაღება — უფასოდ

ექსპრესი და ზუსტ დროზე მიტანა მხოლოდ თბილისში მოქმედებს.

გადახდა

გადახდა შეგიძლიათ ბარათით (Visa, Mastercard, American Express) საქართველოს ბანკის დაცულ გვერდზე, Apple Pay-ით, Google Pay-ით ან საბანკო გადარიცხვით. კურიერი ნაღდ ფულს არ იღებს — ნაღდით გადახდა მხოლოდ სტუდიიდან წაღებისას შეიძლება.

ბარათით გადაუხდელი შეკვეთა 24 საათში ავტომატურად უქმდება. გადარიცხვით გაფორმებული შეკვეთა, თუ 1 საათში არ დადასტურდა, ასევე უქმდება და არჩეული დრო თავისუფლდება.

ინფორმაციის სიზუსტე

გთხოვთ, ზუსტად მიუთითოთ საკონტაქტო მონაცემები და მისამართი. თუ მისამართი არაზუსტია, დაგიკავშირდებით მითითებულ ნომერზე. თუ თქვენთან დაკავშირება ვერ მოხერხდა, მოგწერთ ელფოსტაზე, შემდეგ კი მისამართის დასაზუსტებლად მიმღებს დავუკავშირდებით — მას მხოლოდ იმას ვეტყვით, რომ მის სახელზე საჩუქარია. თაიგულის დეტალები სიურპრიზად რჩება.

თუ მიმღების ზუსტი მისამართი არ იცით, შეკვეთისას მონიშნეთ „ზუსტი მისამართი არ ვიცი — დაუკავშირდით მიმღებს“ — მისამართს თავად დავაზუსტებთ.

თუ მიმღები ადგილზე არ არის

თუ მიმღები მითითებულ მისამართზე აღარ იმყოფება, ახალ მისამართს დავაზუსტებთ და თაიგულს დამატებითი საფასურის გარეშე მივიტანთ, ოღონდ უფრო გვიან. თუ მიტანა საერთოდ ვერ ხერხდება, თაიგული სტუდიაში ბრუნდება (ზ. ფალიაშვილის 68) და მისი წაღება შეკვეთიდან 24 საათის განმავლობაში შეგიძლიათ.

ყვავილის ჩანაცვლება

ფოტოზე ნაჩვენები თაიგულის ზუსტი ასლი შეუძლებელია: ყოველი თაიგული ხელით იკვრება და უნიკალურია. უცვლელი რჩება მასშტაბი, სტილი, ფორმა და ფერთა გამა. თუ რომელიმე ყვავილი სეზონის გამო არ გვაქვს, მსგავსით ვცვლით — მხოლოდ თქვენი თანხმობით.

მზა თაიგულის ფოტო შეკვეთის გვერდზე ჩნდება, სანამ კურიერი გამოვა.

შეკვეთის შეცვლა

მისამართის, ბარათის ტექსტისა და მიწოდების დროის შეცვლა შეკვეთის გვერდზე შეგიძლიათ, სანამ თაიგულის აწყობას დავიწყებთ. ექსპრესზე ან ზუსტ დროზე გადასვლა და შეკვეთის გაუქმება მხოლოდ ტელეფონით ხდება: +995 592 064 064.

ქეშბექი

ყოველი მიტანილი შეკვეთის შემდეგ თაიგულის ფასის 1–8% ანგარიშზე ლარებით გიბრუნდებათ. თანხას ვადა არ აქვს და მომდევნო შეკვეთაზე, თაიგულის ფასის 30%-მდე იხარჯება. პროცენტს ამელიში სულ დახარჯული თანხა განსაზღვრავს: 1 000 ₾-დან — 3%, 5 000 ₾-დან — 5%, 10 000 ₾-დან — 8%. დეტალები — ქეშბექის გვერდზე.

თუ დავაგვიანეთ

ვცდილობთ, ყოველთვის დროზე მივიტანოთ. თუ მაინც დავაგვიანეთ, დაგვირეკეთ: +995 592 064 064 — მენეჯერი ყველაფერს მოაგვარებს.

გაუქმება და თანხის დაბრუნება

გაუქმების, პრეტენზიისა და თანხის დაბრუნების წესები — დაბრუნებისა და გარანტიის გვერდზე.

ხშირი კითხვები